CHV kampiyon na

CEBU, Philippines - Miburak og 16 puntos si Mark Abadia ug si Richard Ian Saladaga mibahog og 15 alang sa Cordova Home Village (CHV) nga miharos sa Colis-Cebu, 103-95 ug aron langkaton ang open division title sa 6th Mayor Addy Sitoy Cup basketball tournament niadtong Huwebes sa gabii didto sa Cordova Sports Complex.

Sa SK category, ang BAL-Quickstep midemolis sa barangay Cogon sa iskor nga 67-48.

Ang CHV ni coach Leodi Garcia mikuha sa serbisyo ni ex-pro Dale Singson isip ilang import, apan igo lang siya mihipos og sayes puntos.

Si Michael Cantonao miabag sab nilang Abadia ug Saladaga sa opensiba, diin ang tanan niyang 12 puntos gikan sa 3-point area. 

Ang power forward nga si John Villaver misalida sab alang sa Colis-Cebu diin mitusak siya'g pito ka triples alang sa iyang game-high 37 puntos. Samtang silang Mark Ababon ug Jimwell Torion nagkumboya og 24 puntos.

Si Cordova councilor Ximgil 'Em-em' Sitoy maoy mihatag sa tropeyo ug ganting salapi ngadto sa mga mananaog. Miabag ni Sitoy paghatag og award mao  si Boy Lataza. 

PUNTOS MATAG USA

SK Category:

BAL-Quickstep (67) - Burong 23, D. Limpangog 15, Rocacurva 7, Burlaos 7, Dinoy 6, Inting 4, K. Limpangog 3, Ocariza 2

Cogon (48) - Obaob 16, Degamo 10, Nunez 9, Manlubay 4, Medallo 3, Nunez 3, Bentulan 2, Casquejo 1 

Open Division

CHV (103) - Abadia 16, Saladaga 15, Santos 14, Cantonao 12, Llanto 11, Cainglet 8, Cabahug 7, Amistad 6, Latonio 6, Singson 6, Cortes 2

Colis-Cebu (95) - Villaver 37, Ababon 14, Torion 10 Bungansiso 9, Rodriguez 8, Lav 7, Abapo 6, Toring 3    (BANAT SPORTS)