Ginebra magpapasiklab sa harap ni Jawo vs Boosters
Manila, Philippines - Umaasa si coach Siot Tanquingcen na mas lalong lalakas ang loob ng mga Gin Kings sa inaasahang panonood sa kanila ni ‘Living Legend’ Robert Jaworski, Sr. sa kanilang laro kontra sa Boosters.
“I hope it would give extra lift sa players,” sambit ni Tanquingcen sa posibleng pag-upo sa kanilang bench ng 66-anyos na si Jaworski matapos ang jersey retirement ceremony ngayong alas-6 ng gabi bago ang laro ng Barangay Ginebra at nagdedepensang Petron Blaze sa alas-6:15 sa carry-over semifinal round ng 2012 PBA Governors Cup sa Smart-Araneta Coliseum.
Sa unang laro sa alas-3:30 ng hapon ay magtatagpo naman ang Rain or Shine at Meralco.
Nakamit ng Gin Kings ang kanilang ikalawang sunod na panalo matapos talunin ang Bolts, 89-76, habang ginitla naman ng Boosters ang Elasto Painters, 90-88, noong Biyernes.
Bitbit ng Rain or Shine ang 8-2 kartada kasunod ang B-Meg (6-3), Petron (6-4), Ginebra (6-4), Talk ‘N Text (5-4) at Meralco (4-6).
“It’s tough playing Petron. They’re very talented, kumpleto pa sila,” wika ni Tanquingcen.
Sa naturang panalo ng Boosters sa Elasto Painters, kumolekta si import Marcus Faison ng 20 points, 9 rebounds, 1 steal at 1 shot block.
“Malaking help ‘yung import sa amin. Kararating lang niya pero siguro meron pang maibibigay na tulong sa amin,” wika ni coach Ato Agustin kay Faison, pumalit sa may injury na si Eddie Basden.
- Latest
- Trending
