RP-Smart Gilas milubong sa Indonesia

CEBU, Philippines - Miposte sa ilang ikaduhang sunod-sunod nga daog ang Smart Gilas Team Philippines pinaagi sa paglubong sa Indonesia, 80-52 sa Southeast Asian Basketball Association Championship didto sa Chiang Mai, Thailand.

Sa una nilang duwa niadtong Miyerkules, ang Smart Gilas gisugat dayon og daog sa dihang ilang gilubong ang Singapore sa iskor nga 96-58.

Ang rookie sa Alaska Aces nga si Mac Baracael maoy leading scorer sa iyang 16 puntos, samtang ang kanhi shooter sa San Beda miamot og 14 puntos alang sa Smart Gilas.

Laraw sa Smart Gilas nga mokampiyon sa maong torneyo nga maoy ilang pasaporte aron makasalmot sa FIBA Asia Cup sa Tokyo, Japan karong tuiga.

Ang naturalized player nga si Marcus Douthit ug ang kanhi Gilas I player nga si Chris Tiu mitampo og 13 puntos matag usa.  (BANAT SPORTS)