Silvano, Cabilla mag-ilog sa bakanteng PBF title

CEBU, Philippines - Ang Philippine No. 1 light flyweight contender nga si Vergilio 'Maton' Silvano (11-2, 6KOs) sa Omega Boxing Stable makigsangka ni Charlie 'Steelbar' Cabilla (12-10, 2KOs) alang sa bakanteng PBF 108-pound title sa main event sa "Fight Fury" boxing series sa Hulyo 29 didto sa J Centre Convention Hall sa A.S. Fortuna St., Mandaue City.

Ang lumad nga taga-Dalaguete, Cebu nga si Silvano adunay 10-fight winning streak, labing uwahi mao ang iyang sixth round stoppage batok ni Jonathan Ricablanca niadtong Mayo 11 didto sa San Isidro, Leyte.

Sa supporting bout sa fight card nga gipasiugdahan sa Omega Pro ug ni Thai boxing patron Naris Singwangcha, ang stablemate ni Silvano nga si Philippine No. 7 flyweight Jason Canoy makigharong ni Ryan Bongcawil sa Kaamino Stable sa Bukidnon.

Moaway usab ang undefeated nga si Jack 'Golden Boy' Tepora batok ni JR Salvador sa Phil-Australia Boxing Club (PABC).

Mokompleto sa fight card mao ang sangka nila ni Jordan Catubay batok Anthony Galigao, Jhaleel Payao batok Rommel Bangirigo ug Charlie Pucdol batok Jerome Casas. 

Ang mga tiket nagkantidad og P100 alang sa general admission ug P200 sa VIP. xx - BANAT NEWS