MANILA, Philippines - Idedepensa nina Abac Cordero ng The STAR at Kristel Satumbaga ng Manila Bulletin ang kanilang mga titulo sa pagdaraos ng 2nd Philippine Sportswriters Association (PSA) Shooting Championships-Sen. Chiz Escudero Cup sa Biyernes sa Armscor Shooting Range sa Makati Cinema Square.
Nagpaputok si Cordero ng perfect score na 100 points nang pagharian niya ang men’s division ng inaugural tournament noong nakaraang taon, habang si Satumbaga ang nagreyna sa women’s
Inaasahang makakatanggap ang dalawa ng matinding hamon mula sa mga PSA members na kinabibilangan ng mga sports editors at sportswriters mula sa broadsheets, tabloids at web-based sports news provider na spin.ph.
Ang lahat ng PSA members ay dumalo sa seminar sa gun safety na isinagawa ni Sen. Escudero, isang avid sport shooting proponent.
Magsasagawa ang mga range officials ng Armscor ng isang refresher course sa Biyernes.
Ang torneo, inihahandog ni Senator Escudero, ay suportado ng Philippine Basketball Association, myPhone at Adidas Action 3 bilang mga major sponsors.
Sina Philippine Sports Commission (PSC) Chairman Ritchie Garcia at Basketball Efficiency and Scientific Training Center (Best Center) coach Nic Jorge ang mga minor sponsors.