Cebuano rugby football enthusiast adunay kahigayonan mokat-on

CEBU, Philippines - May kahigayonan ang mga Sugbuanong rugby football enthusiast nga mokat-on pa kalabot sa maong matang sa paugnat sa kusog pinaagi sa International Rugby Board accredited level I coaching ug match officials course nga gikatakda sa Hulyo 21-22 diha sa Cebu International School (CIS).

Ang duha ka adlaw nga kalihukan dumalaon nilang Philippine Volcanoes coaches   Matt Cullen ug Expo Mejia.

Gilauman sa organizers nga dili momenos 40 ka partisipante ang mosalmot sa maong talagsaong kalihukan.

Bukas kini sa tanan ilabi niadtong adunay mabaw ra og nahibaw-an ning maong paugnat sa kusog.  (BANAT SPORTS)