Castro hinirang na PBA Player of the Week

MANILA, Philippines - Mula sa isang ankle sur­gery na nagpaupo sa kan­ya sa una niyang apat na laro, dalawang beses nag­bida si Jayson Castro pa­ra sa Talk ‘N Text sa eli­mination round ng 2012 PBA Governors Cup.

Kaya naman siya hinirang na Accel-PBA Player of the Week.

“He’s playing without the pain that’s hampered him the last three confe­rences and it shows,” sabi ni Tropang Texters coach Chot Reyes kay Castro na ti­naguriang “The Blur.”

Sa panalo ng Talk ‘N Text laban sa Barako Bull at Ba­rangay Ginebra, nagta­la ang playmaker ng mga ave­rages na 20.5 points at 3.5 assists.

Kasalukuyang tangan ng se­mifinalist nang Rain or Shi­ne ang 7-1 record ka­sunod ang semifinalist ring B–Meg (5-2), Talk ‘N Text (4-3), Meralco (4-4), Ba­rangay Ginebra (4-4), nag­dedepensang Petron Bla­ze (4-4), Po­werade (4-4), Barako Bull (3-4), Air21 (2-5) at Alaska (1-7).

“Obviously, his return has played a big part in our re­surgence,” dagdag pa ni Re­yes sa produkto ng Phi­lip­pine Christian University.

Sa 109-89 panalo ng Tro­pang Texters sa Ener­gy noong nakaraang Miyerkules, nagtala ang 2008 No. 3 pick overall pick ng team-high 23 points.

Humugot naman si Cas­tro ng siyam sa kanyang 18 markers sa fourth quar­ter sa 113-111 pagtakas nila sa Gin Kings noong Ling­go.