Chavez midepensa sa WBC title

CEBU, Philippines - Napanalipdan ni undefeated Mexican boxing superstar Julio Cesar Chavez Jr ang iyang WBC middleweight title pinaagi sa pagpatumba ni Irish boxer Andy Lee sa round 7 atol sa ilang sangka kagahapon didto sa El Paso, Texas.

Giundang ang away sa 2:21 sa seventh round dihang gidabo-dabohan ni Chavez ang ulo ug lawas ni Lee kinsa wala na usab mibawos og sukmag ug nagkabuang pagsagang sa kumo sa Mehikanong boksidor.

Ang kampo ni Chavez naglakip ni Hall-of-Famer trainer Freddie Roach ug conditioning coach Alex Ariza.

Sa maong kadaugan, si Chavez sunod moatubang sa labing dakung hagit sa iyang boxing career sa pakigsangka ni Argentinean superstar ug No.3 pound-for-pound fighter Sergio Martinez sa Septiyembre. (LPM gikan sa wires)