Bradley ga-wheel chair human sa away
CEBU, Philippines - Gasakay sa wheel-chair nga miatubang sa post-fight press conference ang bag-ong WBO welterweight champion nga si Tim Bradley human sa ilang sangka ni Manny Pacquiao kagahapon didto sa MGM Arena sa Las Vegas.
Si Bradley midetalye nga na-injury ang iyang walang tiil sa second round ug misunod ang tuo niyang tiil sa fifth round rasun nga wala siya makatarung paglihok atol sa sangka nila ni Pacquiao.
Miingon siya nga giantos lang niya ang kasakit sa iyang tiil og mibunga ang iyang paningkamot tungod kay midaog siya sa usa ka 12-round split decision batok sa Filipino boxing superstar.
"You have two options," matud pa sa trainer ni Bradley nga si Joel Diaz"I said, 'Either I'll stop the fight now or you'll suck it up and fight like a warrior.' "
"I wasn't quitting," matud pa ni Bradley. "This was Manny Pacquiao."
Human sa press conference si Bradley daling gidala sa local nga ospital didto sa Las Vegas aron mopaubos sa eksaminasyon kun grabe ba ang iyang injury.
(LPM gikan sa wires)(BANAT NEWS)
- Latest
- Trending
