Pink, Ryle Trucking midaog na sab sa Sunday Club

CEBU, Philippines - Nagkumboya og 49 puntos silang Clied Malolot ug Ondo Casquejo alang sa Pink team nga mikulit sa ilang ikaupat nga daog human nila gipukan ang Green team, 112-108 sa Inter-color division sa Phase 3 Camella Homes Sunday Club basketball tournament didto sa Villas Magallanes gym sa Lapu-Lapu City.

Si Malolot mipupo og 25 puntos, samtang si Casquejo miani og 24 puntos alang sa ilang kadaugan. Laing upat nila ka teammates ang mirehistro sab og double figures aron tabangan ang ilang koponan pagkabkab og 4-2 nga baraha.

Ang Green team gipangulohan   ni Amay Palad, kinsa miariya og 28 puntos, gisundan ni    Andrino nga adunay 27     puntos, samtang   si    Roilan Sumilang miamot og 13 puntos.

Sa laing duwa, ang Ryle Trucking mipahamtang sa Sutike Yama sa labing una nilang pilde sud sa unom ka duwa, 77-68 sa Inter-company division.

Ang duha pareho karong nagbitbit og 5-1 win-loss records ning maong torneyo nga gipaluyohan ni Rolly dela Pieza.

PUNTOS MATAG USA

Unang duwa:

PINK (112) - Malolot 25, Casquejo 24, Amistad 13, Brañanola 12, Pleños 10, Almacen 10, Caro 5, Balberona 2

GREEN (108) - Palad 28, Andrino 27, Modena 17, Sumilang 13, Cortes 13, Geraldez 6

Ikaduhang duwa:

RYLE TRUCKING (77) - Saavedra 23, Ocaña 10, Andrino 8, Erijer 4, Aropo 3, Palad 3, Dela Pieza 3, Delgado 2, Rosatase 2

SUTIKE YAMA (68) - Herrera 16, Romasasa 15, Brañanola 15, Catampatana 9, Abel 4, Dela Pieza 4, Suano 3, Velasco 1  (BANAT SPORTS)