BDO-Taga Banco nakaipsot

CEBU, Philippines - Mihayag na ang kahigayonan sa BDO-Taga Banco nga makasud sa semifinals human midaog batok sa Fitness First, 77-74 sa Bracket-A sa North Division sa Inter-Merchant basketball tournament didto sa Pope John Seminary hardcourt, Mabolo ning siyudad.

Sa laing duwa, ang Marco Polo midaog sab human gitiklo ang Knights sa iskor nga 80-72.

Si Mark Buquiron mibahog og 30 puntos aron pangulohan ang BDO, samtang si ex-USC Warrior Jumel Igao miamot og 15 puntos.

Ang kanhi UV Lancer pointguard nga si Junjun Cabanca miabuno og 11 puntos alang sa BDO.

Si James Lu mao usab ang nangu sa pilderong Fitness First sa iyang 26 puntos.

PUNTOS MATAG USA

Unang duwa:

BDO (77) - Buquiron 30, Igao 15, Cabanca 11, Mendez 8, Reoma 8, Palos 7, Jayme 6

Fitness First (74) - Lu 26, Pardenilla 20, Bacanaya 10, Cathig 10, Tan 8

Ikaduhang duwa:

Marco Polo (80) - Calooy 15, Daligdig 14, Bigcas 10, Cosido 8, Ompoc 7, Abunda 7, Bertulfo 6, Entice , Elumba 5, Bornea 4, Encabo 2

Knights (72) - Comendador 23, Olueta 20, Andre 14, Gabutan 10, Marbella 7  (BANAT SPORTS)