10-dikit na titulo sa NCR athletes

MANILA, Philippines - Dinomina ng National Capital Region ang larong basketball upang lagyan ng ningning ang paghablot ng delegasyon ng kanilang ika-10 sunod na secondary ge­ne­ral championships sa pagtatapos kahapon ng Palarong Pambansa sa Narciso Ramos Sports and Civic Center sa Lingayen, Pangasinan.

Si JJ Alejandro na team captain ng Energen Pilipinas team na tumapos sa semifinals sa Fiba-Asia Championships sa Vietnam noong nakaraang taon ay may 33 puntos para pangunahan ang 96-77 dominasyon ng NCR sa Calabarzon na nakita ang dalawang taong paghahari sa basketball na natapos.

Nanalo rin ang NCR sa larong football nang ang ko­o­nang binubuo mula sa UAAP back to back champion FEU ay umukit ng 2-0 panalo sa nagdedepensang Central Vi­sayas.

Nanalo rin ang NCR sa secondary volleyball laban sa Central Visayas sa boys at girls, ang Big City delegasyon ay nakakubra ng 415 puntos upang maging run-away win­ner sa high school division.

Nasa malayong ikalawang puwesto ang Western Visayas sa 230.50 habang ang Calabarzon ay may 158 para sa ikatlong puwesto.