MANILA, Philippines - Tinalo ng University of Santo Tomas ang San Sebastian College, 25-12, 25-10, 25-21, para walisin ang Group B sa pagtatapos ng elimination round ng 9th Shakey's V-League sa The Arena sa San Juan noong Huwebes.
Humataw ng 14 points si dating Most Valuable Player Mary Jean Balse, habang may 12 kills si Judy Caballejo.
Nag-ambag si Thai import Kaensing Utaiwan ng 12 markers para sa UST, nagtala ng 4-0 record sa Group B.
Nasa iIalim ng UST ang San Sebastian (3-1), Adamson (3-2) at University of St. La Salle-Bacolod (1-3).
Tinumbasan ng Tigresses, isang six-time champion at nagbabalik sa liga matapos ang dalawang taon na pamamahinga, ang pagwalis din ng Ateneo sa Group A.