CEBU, Philippines - Gipapas sa Lion Tiger Aerosol/USJ-R Jaguars ang ilang nuybe puntos nga biya sa fourth period pinaagi sa ilang12-2 scoring run aron moiskor og 78-68 nga kadaugan batok sa Gaisano-Tisa/UC Webmasters sa 6th CESAFI Partner's Cup niadtong Huwebes sa gabii didto sa Cebu Coliseum.
Naglabaw unta og nuybe puntos ang Gaisano-Tisa ug daku’g purohan nga modaog, apan human sa ilang 65-60 nga labaw, kalit nga nagmangtas ang Lion Tiger ug mipabuhagay og 12-2 run aron ilogon ang labaw, 66-65 sa basket ni Abulaiz Sulaiman.
Sa maong kadaugan, ang Lion Tiger nahimutang karon sa ikaduhang puwesto nga nagtangag og 4-2 nga baraha.
Silang Sulaiman ug Renato Abing maoy nangu sa Lion Tiger sa ilang 12 ug 11 puntos matag usa, apan ang tulo ka three-pointers ni Banjo Capillar maoy nagbaswat kanila.
Bugtong si John Auditor lang ang nakakuha'g double figures alang sa Gaisano-Tisa sa iyang 12 puntos (BANAT SPORTS)