Beermen 'di pinaporma ang Saigon Heat

MANILA, Philippines - Tinapos ng San Miguel Beermen ang kampanya sa triple round elimination sa 3rd AirAsia ASEAN Basketball League (ABL) sa pamamagitan ng 83-68 panalo laban sa Saigon Heat na nilaro noong Miyerkules ng gabi sa Tan Binh Stadium,Vietnam.

Sa second half pumukpok ang Beermen upang iwanan ang host Heat at tapusin ang laro sa elims tangan ang anim na sunod na panalo tungo sa na­ngungunang 17-4 baraha.

Si Nick Fazekas ay may­roong 24 puntos at 12 rebounds, si Leo Avenido ay nag-ambag ng 15, si Duke Crews ay mayroong 12 at si Roger Yap ay may 10 para sa Beermen na na-outscore ang Heat, 23-10, sa ikatlong yugto para isantabi ang dikitang first half na nauwi sa 41-all iskor.

Kumpleto na ang mga maglalaban sa semifinals dahil number two na ang AirAsia Philippine Pa­triots habang ang Indonesia War­riors at Westports Malaysia Dragons ay nakaabante na rin.

Ngunit ang final placing sa 3 at 4 na lamang ang hinihintay para maitakda ang tagisan na inilagay sa best of three series.