Lion Tiger midaog na sab

CEBU, Philippines - Mikulit sa ilang ikatulong daog ang Lion Tiger Katol-USJR Jaguars human ilang gibaraw ang KIA Motors-CIT-U Wildcats sa iskor, 88-78 kagahapon ug miabante sa ikaduhang pwesto pinaagi sa ilang 3-1 nga baraha atol sa nagpadayong 6th CESAFI Partner's Cup kagahapon didto sa Cebu Coliseum.

Ning pagsuwat sa alas 7 sa gabii, padayong nagtakos ang wa'y pildeng Prime Asia-UV Lancers batok sa underdog Gaisano Tisa-UC Webmasters diin tinguha sa nahauna nga mokulit sa ilang sagunson nga ika-upat nga daog ug pahugtan ang paghupot sa liderato. Sa kasamtangan, adunay 3-0 nga baraha ang Prime Asia.

Nag-igo sa gawas sa miaging gabii, wala gihapon mohupas ang lana ni Jaosn Olbedado ug siya maoy nangu sa Lion Tiger sa iyang 17 puntos. Sa miaigng adlaw, mibahug siya'g 16 puntos ug tulo ka three-pointers dihang midaog sila batok sa San Marino corned Tuna-USP-F Panthers.

Midugang og 15 puntos si James Regalado samtang miamot og 12 ug 11 puntos silang Miguel Tabaloc ug abulaiz Sulaiman.

Wala kaayo makahuyo si Banjo Capillar tungod kay maayong nakadepensa ang KIA Motors kaniya.

Si Floyd Taboada, ang usa sa labing beteranong player sa KIA Motors, miposa og 11 puntos apan dili kini igo nga makapakurat sa Lion Tiger. Midugang si Vincent Menguito og 10 puntos alang sa 2-2 nga KIA Motors kinsa daan nang nabiyaan sa first period, 23-12.

Puntos matag usa:

Lion Tiger-USJR (88)—    Olbedado 17, Regalado 15, Tabaloc 12, Sulaiman 11, Abing 8, Capillar 6, Perez 6, Sanchez 5, Lajato 4, Villarosa 2, Palileo 2

KIA Motors-CIT-U (78)—    Taboada 11, Menguito 10, Dela Cerna 9, Rabaya 9, Dimco 8, Taghoy 7, Baclaan 6, Batiquin 5, Pono 5, Sanchez 4, Manguera 4. Halftime: 47-40. - BANAT NEWS