CEBU, Philippines - Nakauna ang Echo Team nga gipangulohan ni Ritchie Villarosa ang Delta Team pinaagi sa pag-iskor og 97-89 nga kadaugan sa Game-1 sa "best-of-three" championship series sa Center Katipunan A. Lopez Christian Organization (CEKALCO) 2012 summer basketball tournament didto sa sitio A. Lopez open court sa barangay Labangon, ning dakbayan.
Gikan sa ilang 22-25 nga biya sa sayong bahin sa duwa, misumbalik ang Echo pinaagi sa ilang 32-15 run aron moposte og 14 puntos nga labaw sa halftime, 54-40 ug sukad niadto wala na sila molingi pa hangtod nahurot ang oras sa ilang duwa. Si Villarosa, kinsa maoy yawi sa kadaugan miiskor og 32 puntos, si Kenneth Beltran midugang og 20 puntos, samtang sila si Danny Desoyo ug Nolet Tabasa nagkumboya og 26 puntos.
Ang naunhan nga Delta gipangulohan ni Julius Gutierrez pinaagi sa iyang 40 puntos, gisundan nilang Edwin Lazaga ug Doy Yoma-oy nga miamot og 17 ug 16 puntos.
PUNTOS MATAG USA
ECHO (97) - Villarosa 32, Beltran 20, Tabasa 14, Da. Desoyo 14, Templa 9, Cabalda 8, Manlimos 2
DELTA (89) - Gutierrez 40, Lazaga 17, Yoma-oy 16, Ho 4, Gacasan 4, Ed. Lo-ayon 4,
Rosales 2, Es. Lo-ayon 2 (BANAT SPORTS)