2012 Mayor Rama Airsoft Cup moulbo na karon

CEBU, Philippines - Magginubatay karon ang mga dekalibreng airsoft teams pag-ulbo sa second leg sa 2012 Cebu City Mayor Michael L. Rama Airsoft Cup: Aftershock didto sa South Road Properties (SRP).

Ang Team Crack Legion mag-atubang og lisud nga tahas sa pagdepensa sa ilang titulo batok sa Sakro Platoon, Team Diablo sa Danao City, Mizrach, J.A.S.O.C. A & B, Deep Recon, Silver Arrows, ML BOA, Team AFP, Overknights, Azkals, ATF, Generals ug Trident Knights.

Gawas sa mokampiyon, makadawat usab og ganti ang ‘Best in Quarter Combat’ ug Sportsmanship award. Aduna usab raffle draw nga ipahigayon alang sa tanang partisipante human sa torneyo nga gipasiugdahan sa Team SCAR (Southern Cebu Airsoft Recon) ug GAT (Guadalupe Airsoft Team).

"It’s going to be another shootfest of fun and excitement. Airsoft entails not only shooting skills, but also physical strength and mental ability for you to achieve efficiently all the objectives set in every game. May the best team win," matud pa ni SCAR president Jeson L. Guardo.

Ang ubang opisyales sa SCAR mao sila si Carlo Antonio Chua (vice-president), Francis Abella Jaca (secretary), Vitus Sy (treasurer) ug si Cael Bronce (auditor). Ang mga team leaders mao si Dionie Baylon sa GAT ug si Ian S. Luga sa SCAR.  (BANAT SPORTS)