CEBU, Philippines - Gipakuratan sa Blue Eagles ang defending champion Los Demonyous pinaagi sa pag-iskor og kulbahinam nga kadaugan, 82-81 sa Integrated Bar of the Philippines (IBP)-2012 8th Season First Conference basketball tournament didto sa Capitol Parish gym sa dalan Escario, ning siyudad.
Mao kadto ang ikaduhang daog sa Eagles sulod sa lima ka duwa.
Gikan sa 35-all nga deadlock sa halftime, mibuylo pag-ayo ang Eagles ni Kit Enriquez pinaagi sa tandem nilang Marvin Miralles ug Rov Velmonte. Miabag sab silang Al Lagahit ug Jun Villegas sa ilang pag-outscore sa Demonyous ni Bads del Prado, 20-14 sa third period.
Apan hinay-hinay nga mikamang ang Demonyous hangtod nga nakahigayon kini sa pagtabla, 81-all sa nahabiling singko segundos sa duwa.
Ang free throw ni Miralles maoy mikandado sa duwa ug siya usab ang nangulo sa kadaugan pinaagi sa iyang game-high 25 puntos. Sila si Velmonte ug Lagahit kinsa parehong miiskor og 12 puntos.
Si Richard Bauzon miburak og 20 puntos alang sa Los Demonyous.
Sa laing duwa, gidabo-dabohan sa Idolz ang Dissenters, 91-40 alang sa ilang ikatulong daog sa lima ka duwa, ang Pecandela Law Firm ni coach Jun Cabanca milubong sab sa Pañeros, 60-30 ug gilubong sab sa Bhutakalz ang Primos-Rama, 71-48.
PUNTOS MATAG USA
Unang duwa:
BHUTAKALZ (71) - Gealon 16, Guieb 12, Hupp 12, Ligutan 8, Arnaiz 6, Remedio 6, Verallo 5, Velez 4, Villarin 2
PRIMOS (48) - M. Velez 21, Seville 10, Sususco 8, Quiban 5, Tabotabo 2, Es. Rama 2
Ikaduhang duwa:
IDOLZ (91) - Apolinario 22, Macion 17, Piquero 13, F. Pepito 10, Malig-on 9, Santiago 8, B. Pepito 4, Salubre 4, Quijano 2, Sumampong 2
DISSENTERS (40) - Olingay 10, Asis 9, Ma. Sarno 6, Gomoz 6, Mi. Sarno 5, Dela Cerna 4
Ikatulong duwa:
PECANDELA (60) - Malazarte 14, Fr. Pepito 12, I. Gamallo 8, Capoy 8, Tomaodos 6, MR Gamallo 6, Tenefrancia 4, Cañete 2
PAÑEROS (30) - Balorio 6, Ordeniza 4, Calipayan 4, Busi 4, Denopol 4, Cagulada 2, R. Pepito 2, Retuya 2, Manching 2. (BANAT SPORTS)