5TH Cebuana Lhuillier men's open tennis andam na
CEBU, Philippines - Gipaabot nga init ang kompetisyon sa mga banggiitang tennis players sa nasud sa pag-ulbo sa 5th Cebuana Lhuillier Men's Open Tennis karong Domingo diha sa Baseline Sports and Recreation Center.
Gawas sa mga elite Pinoy tennis players sama ni Philippine Team member Johnny Arcilla, nagtuo si Jun Toledo nga mas daghang local talents ang mopakita sa ilang abilidad karong tuiga.
Laraw ni Toledo nga makakita pa og Sugbuanon nga adunay potensyal nga morepresentar sa nasud sa international scene.
Gawas sa pagpasiugda og torneyo, laing katuyoan ni Toledo mao nga makakita og mga tennis prospect dinhi sa Visayas nga dad-on didto sa Manila aron mag-train ubos sa Philippine Tennis Association (PTA).
"Aside from this tournament, our purpose for this tournament is to scout potential international players to train in the PTA," matud pa ni Toledo atol press conference kagahapon didto sa Baseline Restaurant.
Ang registration fee nagkantidad og P500 ug ang deadline gitakda karong Sabado. (BANAT SPORTS)
- Latest
- Trending
