Marco Polo ug LBC midaug

CEBU, Philippines - Parehong mikulit og managlahing kadaugan ang Marco Polo Hotel ug LBC Hari ng Padala batok sa tagsa-tagsa nila ka kaatbang kaniadtong miaging Lunes atol sa nagpadayong 2012 Inter-Merchant basketball tournament didto sa Pope John Seminary gym sa dan Juan Luna avenue, ning dakbayan.

Gidemolis sa Marco Polo ang Diamond Suites, 77-61 samtang naka-eskapo ang LBC batok sa Thirsty/Moon Cafe, 82-75 sa Group A ubos sa North Division.

Sa bugtong duwa sa Group B ubos gihapon sa North Division, gilubong sa Blessel Art sign ang Three-Sixty Pharmacy, 90-70.

Sa laing bahin sa sangka sa South Division niadtong Abril 3, gilampaso sa CSAI-Ayala ang MCRI-Ayala, 84-51 ug nakaipsot ang Parklane hotel batok sa Case Verde, 74-70 nga didto gipahigayon sa T. Padilla gym.

Silang Bornie Limbaga ug Kennan Abunda maoy nangu sa Marco Polo sa ilang 17 ug 16 puntos matag usa samtang si Ariel Giovanni Abordo maoy nangu sa Diamond Suites sa iyang 18 puntos.

Mibahug og 28 puntos si Roybell Barredo ug midugang si Tata Neri og 19 puntos alang sa LBC samtang parehong mi-iskor og double figures silang Tata Mendoza ug Ariel Navares alang sa LBC ug upat sab ka players sa Moon Cafe ang mihakot og double figures apan wala kaayo'y igong suporta sa ubang mga teammates.

Puntos matag usa:

First Game:

Marco Polo (77)--- Limbaga 17, Abunda 16, Bigcas 12, Ompoc 9, Montederamos 6, Eluba 5, Bornea 5, Limbaga 4, Encabo 4, Bertulfo 3, Entice 2, Aso 2

Diamond Suites (61)---   Abordo 18, Pleños 10, Tabasa 10, Dumapit 6, Cabatingan 5, Guadarido 4, Meneses 2, Lunar 2, Kristelyn 2

Second Game:

LBC Hari ng Padala (82)---   Barredo 28, Neri 19, Mendoza 12, Navares 10, Paraguya 9, Itim 6, Ybañez 2

Thirsty/Moon Cafe (75)---Maguilada 16, Suson 13, Mahinay 12, Perez 12, Fabria 8, Ortega 6, Sanchez 4, Alba 2, Nieves 2.  - BANAT NEWS