Bradley makikipagsabayan kay Pacman

MANILA, Philippines - Kagaya ng inaasahan, muling nagbuhat ng kanyang sariling silya si Timothy Bradley, Jr.

Sa panayam ng RingTV.com, sinabi ng American challenger na dapat siyang ibahin ni Man­ny Pacquiao sa mga nakalaban nito.

“When I’m in the ring, I’m in there to seek and destroy, and that’s the difference between me and other fighters,” wika ng 28-anyos na si Bradley na hahamunin ang 33-anyos na si Pacquiao para sa suot nitong World Boxing Organization (WBO) welterweight crown sa Hunyo 9 sa MGM Grand sa Las Vegas, Nevada.

Hindi pa natatalo si Pac­quiao sapul noong 20­05 kung saan siya binigo ni Erik Morales sa kanilang unang pagtatagpo noong Marso at hangad ni Bradley na siya ang magpapalasap nito sa Filipino world eight-division champion. 

Ngunit malaki pa din ang kanyang respeto sa Sarangani Congressman.

“I respect Pacquiao. I respect Pacquiao just like I respect every fighter. I respected (Joel) Casamayor like I respect Pacquiao. I give the same respect to every fighter that I get into the ring with,” ani Bradley, tinalo si Casamayor sa undercard ng ikatlong laban nina Pacquiao at Juan Manuel Marquez noong Nobyembre ng 2012.

“Manny Pacquiao has a bigger reputation. But I respect him like I do Casamayor, because Pacquiao has two hands and two feet just like I do,” dagdag pa ni Bradley.

Kumpara sa naging laban ni Pacquiao kay Su­gar Shane Mosley noong Mayo ng 2011 kung saan nagtatapikan ng boxing glo­ves ang dalawa bago mag­palitan ng suntok, si­nabi naman ni Bradley na hindi niya gagawin ito sa gabi ng kanilang upakan ni ‘Pacman’.

“I’m not going to keep shaking hands with him. I shake hands with him in the beginning. That’s what we do in the beginning,” wika ni Bradley, isang 3-1 underdog sa kanilang laban ni Pacquiao.

Kumpiyansa din ang American boxer na maisasama sa boxing history ang kanilang laban ni Pacquiao.

Nakatakdang simulan nina Pacquiao at Bradley ang kani-kanilang pag-e­ensayo ngayong buwan.