Pecandela 4-1 na sa IBP

CEBU, Philippines - Mikulit sa ilang ikaupat nga daog ang Pecandela Law Firm pinaagi sa pagpilde sa Jodin, 63-52 aron sakmiton ang solong liderato sa nagpadayong 2012 Integrated Bar of the Philippines (IBP) 8th season didto sa Capitol Parish Gym sa dalan Escario, ning siyudad.

Ang sentro nga si Mark Russ Gamallo, kinsa miburak og 25 puntos maoy nangu sa Pecandela nga temporaryo karong nagsolo sa liderato sa ilang 4-1 nga baraha. Nakakuha sab siya og suporta nilang Francis Pepito ug Ivans Gamallo nga nagkumboya og 21 puntos.

Si Estong Narido maoy nangu sa Jodin sa iyang 13 puntos. Sila si Bert Arrabis ug Mario Gidayawan pareho sab nga mirehistro og double figures.

 Sa sayo pa, ang Los Demonyous ni Bads del Prado midaog batok sa Super Idolz, 71-68.

 Si Richard Bauson maoy nangu sa Los Demonyous pinaagi sa iyang 18 puntos.

Gipilde sa Eagles ni Kit Enriquez ang Primos-Rama, 76-66 aron tukbon ang 3-2 nga baraha, samtang ang Pañeros ni Nilo Balorio milubong sa Dissenters sa iskor nga 73-53.

PUNTOS MATAG USA

Unang duwa:

DEMONYOUS (71) - R. Bauzon 18, Cadiogan 12, E. Bauzon 10, Bragat 6, Del Prado 6, Ortiz 6, Riveral 6, Flores 4, Pintor 2, Salcedo 1

IDOLZ (68) - Santiago 15, Apolinario 12, Macion 12, Piquero 11, Sumampong 6, Pepito 4, Salubre 4, Heyrosa 4

Ikaduhang duwa:

PECANDELA (63) - MR Gamallo 25, Pepito 11, I. Gamallo 10, Enad 5, Cañete 5, Leyco 4, Tomaodos 3  (BANAT SPORTS)