Nagplano ang kampo ni Pinay boxer Ana ‘Hurricane’ Julaton nga mangayo og rematch batok ni Argentinean Yesica Marcos kinsa miilog sa iyang WBO super bantamweight title.
Si Julaton gipilde ni Marcos pinaagi sa unanimous decision niadtong Sabado didto sa Argentina .
Title defense ni Viloria gisibug
Gisibug ngadto sa Abril 21 gikan sa orihinal nga petsa nga Marso 31 ang gipaabot nga title defense ni WBO flyweight king Brian Viloria batok sa Mehikanong si Omar Nino Romero.
Kini tungod sa ‘pending sanction’ ni Romero kinsa utangan pa og $11,250 sa Nevada State Athletic Commission tungod sa kalapasan niini sa pagamit og illegal nga drugas niadtong tuig 2006.
Martinez Mipaundang ni Macklin
Gipakita ni Argentinean middleweight king Sergio Martinez ang iyang kusug dihang iyang gipasurender si Matthew Macklin sa ilang sangka kagahapon didto sa New York .
Si Martinez maoy No.3 world pound-for-pound fighter sunod nila ni Manny Pacquiao ug Floyd Mayweather Jr. - BANAT NEWS