Mga ngilngig sa Phl moapil sa Cebu Darts Open

CEBU, Philippines - Mga banggiitang darters sa Pilipinas sa pagpangulo ni top-ranked Ian Perez sa Koronadal City ang mosulong dinhi sa Sugbu aron mopakita'g aksiyon sa 4th Cebu City Mayor's Cup-M. Lhuillier National Darts Open nga gikatakda sa Abril 20-22 diha sa Yayoy's Grill and Resto Bar sa Orchids Street sa Brgy. Capitol Site, ning siyudad.

Gawas ni Perez, lain pang mga bantugang players dinhi sa nasud ang nipadayag sab sa ilang intensiyon pag-apil sa tulo ka adlaw nga kompetisyon nga naglakip nilang Jojo Barellano sa Davao City, Lourence Ilagan sa Cainta, Rizal, Boy Gionson sa Navotas, Dodong Nolora sa Butuan, Ding Sumulong sa Pasig, Ricky Mijares sa Quezon City, Boie Parfan III sa Makati, Dixie Ybañez sa Cagayan de Oro ug Andy Villamor sa Butuan City.

Adunay kinatibuk-ang P300,000 nga ganting salapi ang giandam alang sa mga mananaog nga giisip nga labing daku ug datu nga darts tournament sa Visayas ug Mindanao region.

Ang Sugbu moparada og mga rated nga darters sama nilang Roy Laude, Odong Pamatian, Steve Montenegro, Rodmar Branzuela ug Roniel Pedrosa.

Lain pang mga Sugbuanong kontender naglakip nilang Reyden Colina, Jomar Amerol, Dario Potot, Dicoy Ramirez, Winnie Ocañada, Jerous Ponce ug Alvin Villa.

Mga kategoriya nga tigian sa National Darts Federation of the Philippines (NDFP)-sanctioned event mao ang men's open, ladies, youth and seniors singles, fixed doubles, classified draw doubles and triples ug Councilor's Cup (four person team).

Alang sa registration ug mga impormasyon, mahimong motawag ni Bert Colong, Jr. sa (032) 516-8593, 0933-5884555 ug 0928-7647681, Winnie Ocañada sa 0916-4689819 ug Marvin Orlina sa (032) 372-3541 or 0923-2354651.   (BANAT SPORTS)