Pedroza mipatigbabaw

CEBU, Philippines - Mipatigbabaw si Roniel Pedroza sa labing uwahing edisyon sa CHEDA Darts League didto sa Yayoy's Grill and Resto Bar sa Orchids Street sa Brgy. Capitol Site, ning siyudad.

Si Pedroza mibira og 4-2 nga kadaugan batok ni Alvin Villa, usa sa title favorites atol sa deciding match.

Si Villa nagbaton og "twice-to-beat" advantage, apan si Pedroza mipamatuod nga aduna siya'y katakus sa pagpilde sa mas lig-on nga kaatbang.

Mipahiluna sa ikatulo si Reyden Colina human niya gipilde si Rodmar Branzuela, kinsa mi-okupar sa ikaupat.

Sila si Alan Veloso ug Frank Bejec mitapos sa ikalima ug ikaunom nga dapit ning maong kompetisyon nga gipasiugdahan sa Cebu City Hall Employees Darts Association (CHEDA). (BANAT SPORTS)