Irving nagpasiklab sa panalo ng Team Chuck sa Rising Star Challenge
ORLANDO, Fla.--Pinatunayan ni Kyrie Irving kung bakit siya ang pinili ng Celeveland Cavaliers bilang 2011 NBA No. 1 overall pick.
Isang alley-oop kay Paul George ang ginawa ni Irving kasunod ang pagpapakita niya ng kanyang long-range shooting skills.
Nagposte si Irving ng 8-for-8 shooting sa three-point range at tumapos na bitbit ang 34 points para pangunahan ang Team Chuck ni Charles Barkley sa 146-133 paggiba sa Team Shaq ni Shaquille ‘O Neal sa Rising Stars Challenge.
Nag-ambag si George ng Indiana Pacers ng 23 points para sa Team Chuck.
Sina Barkley at O’Neal ang siyang nagsilbing manager ng kanilang mga koponan.
Umiskor naman si Tristan Thompson ng Cavaliers ng 20 points para sa Team Shaq, habang may 2 points lamang si New York Knicks sensation Jeremy Lin.
Ang Rising Stars Challenge ang nagtampok sa mga rookie at second-year players na pinagsama sa dalawang koponan -- ang Team Chuck at ang Team Shaq.
- Latest
- Trending
