CEBU, Philippines - Gipanglubong sa Cebu Eastern College (CEC) ug University of San Carlos (USC) South Campus aron morehistro sa ilang ikatulong sunod-sunod nga daog, ingon man mopahiluna sa unang dapit sa liderato sa tagsa-tagsa nila ka kategoriya sa 16-Under division sa ThreeSixty Pharmacy Cup 2012.
Ang CEC milubong sa University of the Visayas (UV), 82-68, samtang gilubong sab sa USC South-A ang Don Bosco-A sa iskor nga 62-32.
Sa 13-Under division, ang UV nakabawi sa ilang kapildihan ngadto sa CEC pinaagi sab sa paglubong sa Southwestern University (SWU), 52-21.
Ang University of San Carlos (USC) mipuwesto sa unang dapit sa standings ug naglawig na sa finals human nila paniti ang CEC, 24-10 sa 10-Under division. (BANAT SPORTS)