IBF mo-imbestigar sa
CEBU, Philippines - Gilauman nga mohimo og imbestigasyon ang International Boxing Federation (IBF) sa gidangatan ni bag-ong IBF light flyweight champion Johnriel Casimero ug sa kampo niini nga biktima sa pagpangdagmal sa mga Argentinian fans didto sa Argentina.
Ang lumad nga taga-Ormoc City nga si Casimero milampos pagsakmit sa IBF title human niini gipatug sa round 10 ang beteranong Argentinian nga si Luis Lazarte.
Apan inay selebrasyon usa ka “riot” ang misugat ni Casimero ug sa kampo niini dihang pipila ka mga fans ang milabay kanila ug botelya ug mga bangko ug wa pa matagbaw gisaka sila sa ring diin naigo sila sa mga patid ug sukmag.
Gawas ni Casimero, nakahiagum og gamay'ng angol ang trainer niini nga si Pingping Tepora Jr., Cebuano promoter Sammy Gello-ani ug American promoter nga si Sean Gibbons.
“Certainly, the IBF must conduct a full investigation and punish severely any wrongdoers,” matud pa sa inilang boxing analyst nga si Michael Marley.
Si Gibbons mihulagway sa examiner.com sa pait nila nga gidangatan sa kamot sa mga Argentinian boxing fans. “"I got sucker punched a few times,I also got kicked in the head, Our new champ was hit with a chair and then kicked while he was down. These people were just savages!"
Sa laing bahin, ang Team Casimero gitakdang moabot sa nasud karong Martes. - BANAT NEWS
- Latest
- Trending
