Pagunsan tatanggap ng PSA Presidential Achievement Award

MANILA, Philippines - Nakatakdang ibigay kay golfer Juvic Pagunsan ang Presidential Achievement Award ng Philippine Sportswri­ters Association (PSA) sa nalalapit na Annual Awards Night sa Marso 3 sa Manila Hotel.

Ang 33-anyos na si Pagunsan ang naging unanimous choice ng sportswriting fraternity para sa nasabing ka­rangalan.

Siya ay kinilala bilang unang Filipino na tinanghal na Or­der of Merit champion.

Ang pro golfer mula sa Bacolod City ay ikinunsidera pa­ra sa Athlete of the Year award.

Subalit siya ay naungusan nina boxer Nonito Donaire Jr. at billiards’ world no. 1 player Dennis Orcollo.

Ilan sa mga nakatanggap ng PSA Presidential Achie­vement Award at sina boxing icon Manny Pacquiao, ang Philippine Azkals, four-time Philippine Basketball Asso­ciation (PBA) MVP Alvin Patrimonio, ang Ateneo Blue Eagles team, Senator Manny Villar at ang world wo­men’s trio champion na sina Liza Del Rosario, Liza Clu­tario at Cecilia Yap.

Inangkin ni Pagunsan ang Asian Tour Order of Merit title nang bumandera sa rankings sa kanyang kinitang $788,298 (P34 milyon).

Hinirang siya bilang Players’ Player of the Year ng Asian Tour Awards Gala sa Bangkok .

Noong 2011, tumapos si Pagunsan sa Top 10 sa Tai­wan Mercuries Masters, ISPS Singapore Classic at sa UBS Hong Kong Open.