USC-BED active chess gitakda sa Pebrero 11-12
CEBU, Philippines - Mokabat ngadto sa P8,000 nga ganting salapi ang giandam alang sa top finishers sa 1st University of San Carlos-Basic Education Department (USC-BED) Active Chess Tournament nga gikatakda sa Pebrero 11-12 didto sa USC-North Campus gym sa General Maxilom Avenue, ning siyudad.
Ang kompetisyon mosubay og 7-round Swiss system format.
Gawas sa medalya, ang kampiyon mobulsa og P3,000, ang second placer makadawat og P2,000, samtang ang third placer makaangkon og P1,000.
Ang mopahiluna sa ikaupat ug ikapito nga dapit makadawat og P500 matag usa, samtang ang kampiyon sa babaye ug labing bata nga magduduwa gantihan sab og P500 matag usa.
Ang registration fee nagkantidad og P100 alang sa mga tinun-an sa USC ug P200 sa mga dili tinun-an.
Alang sa dugang mga kasayoran, mahimong mokontak sa USC-NC sports coordinators Galimar Largo (0920-4694326) ug Saturnino Mayormita ((0919-2780790), FIDE arbiter Felix Poloyapoy Jr. (0933-5765077/0915-3114930) o di ba ni coach Merben Roque (0932-1493674)/0939-3515040).
Ang deadline sa registration kutob lang sa Pebrero 6. Niadtong gustong moapil gihangyo sa pagdala og NSO certified birth certificate alang sa age verification. (BANAT SPORTS)
- Latest
- Trending
