K.O. artists magsangka sa "Pinoy Pride XI"
CEBU, Philippines - Duha ka boksidor nga hanas mopatumba og kontra ang magsangka sa "Pinoy Pride XI: Philippines vs. The World" karong Sabado sa gabii didto sa Waterfront Cebu City Hotel and Casino.
Si WBO Oriental featherweight champion nga si Villanueva sa ALA Boxing laraw nga mohimo og laing "knockout" nga kadaugan sa iyang pakigsangka sa Mehikanong si Diego Marquez.
Si Villanueva usa sa mga Pinoy boxers nga nakabaton og ngilngig nga knockout percentage (90.91%). Timaan niini ang iyang first round knockout nga kadaugan batok ni Indonesian Eddy Camaro niadtong Hulyo 30 didto sa Hoops Dome sa Lapu-Lapu City.
Sa iyang bahin, si Ledesma dili usab kabintahaan sa kusog tungod kay gikalisangan usab kini nga Mexican fighter diin 12 sa iyang 18 ka daog gikan sa knockout.
Bisan pa sa iyang upat ka pilde, si Ledesma nakaako gihapon pagbahad nga matud pa dili hatagan og kahigayonan si Villanueva nga makaporma atol unya sa ilang sangka.
Si Ledesma uban sa iyang kababayan nga si Juan Esquer moatubang sa Cebu media karong alas-11 sa buntag sa usa ka press conference didto sa Maya Mexican Restaurant sa Banilad.
Si Esquer mohagit ni undefeated Milan 'El Metodico' Melindo alang sa WBO intercontinental flyweight title. (BANAT NEWS)
- Latest
- Trending
