CEBU, Philippines - Mikulit na sab og managlahing kadaugan ang Sacred Heart School-Ateneo de Cebu (SHS-AdC) Magis Eagles ug ang Cebu Eastern College (CEC) Dragons sa Seaoil National Basketball Training Center (NBTC) Elite League kagahapon didto sa City Sports Club-Cebu sa Cebu Business Park.
Mga duwa karon:
(City Sports Club)
1:00 pm
Don Bosco vs. USC-South
2:30 pm
CEC vs. SHS-AdC
Ang SHS-AdC midemolis sa University of San Carlos (USC) South Campus sa iskor nga 82-43, samtang ang Dragons milubong sa Springdale, 87-30.
Si Julius Cadavis maoy nangu sa Magis Eagles sa iyang 16 puntos, gisundan ni Jan-jan Jaboneta nga adunay 11 puntos, samtang sila si Maverick Suarez ug Rendell Senining miamot og 10 puntos matag usa.
Bugtong si Ian Ortega lang ang mihimo’g double figures alang sa USC-South pinaagi sa iyang 12 puntos. (BANAT SPORTS)