Sutike Yama midaog sa Ryle Trucking

CEBU, Philippines - Gilapwahan sa Sutike Yama Resto Bar ni team owner Rolly dela Pieza ang Ryle Trucking sa Inter-commercial division sa Camella Homes Phase Sunday Club basketball tournament 2012 niadtong Domingo didto sa Villas Magallanes gym.

Nabiyaan ang Sutike Yama sa unang kuwarter, 18-19 ug tungod sa kanipis dali kini nilang napapas dihang milusad kini og 30-15 run sa second quarter aron moposte og 48-34 sa halftime.

Ang Sutike Yama wala na molingi pa sa naggukod nga Ryle Trucking sukad niadto.

Si Centes Brañanola mihaon og 21 puntos aron pangulohan ang Sutike Yama, samtang ang nabara nga Ryle Trucking gipangulohan sab ni Saavedra pinaagi sa iyang 18 puntos.

Sa laing bahin, ang Pink team mihirit sab og daog pinaagi sa pagpilde sa Green sa iskor nga 104-97 sa Inter-color division.

Tulo ka players nga gipangulohan ni Ondo Casquejo ang mirehistro og double figures. Si Casquejo milansang og 32 puntos, si Clied Malolot mitikdol og 16 puntos ug si Rolly dela Pieza mitimbre og 13 puntos.

Ang Green team gipangulohan ni Allan Sepe pinaagi sa iyang 26 puntos, gisundan ni Andrino sa iyang 16 puntos ug Roilan Sumilang nga adunay 11 puntos.

PUNTOS MATAG USA

Unang duwa:

PINK (104) - Casquejo 32, Malolot 16, Dela Pieza 13, Pleños 8, Caro 7, Bondal 6, Almacen 5, Brañanola 4, Vega 4, Tabania 3, Villanil 2, Braza 2

GREEN (97) - Sepe 26, Andrino 16, Palad 14, Sumilang 11, Geraldez 10, Cortez 7, Rabi 5, Balberona 4, Ragaza 2, Aparente 2, Villapez 2

Ikaduhang duwa:

SUTIKE YAMA (90) - Brañanola 21, Pleños 15, Hinoguin 14, Catampatan 8, Suano 6, Regala 6, Abel 6, Dela Pieza 4, Pleños 4, Domingo 2

RYLE TRUCKING (75) - Saavedra 18, Palad 13, Jongjong 11, Delgado 6, Erejer 5, Andrino 3, Dela Pieza 2, Palad 2, Suano 1  (BANAT SPORTS)