Lugay bag-ong presidente sa 529 Tennis Club

CEBU, Philippines - Ang magpapatigayon nga si Cesar Lugay maoy napili nga bag-ong presidente sa 529 Tennis Club (5-9 am) atol sa ilang eleksiyon niadtong Sabado, didto sa Mandaue Lawn Tennis Association Clubhouse sa dakbayan sa Mandaue.

Matud pa sa ilang press-relations-officer nga si Cabancalan barangay councilor Jun Saberon, nga ang 529 Tennis Club nga gilangkuban sa mga tennis players Mandaue, usa karon sa labing daku ug aktibong grupo sa mga tennis afficionados nga adunay 60 ka mga miyembro.

Uban ni Lugay nga napili mao sila si Manuel Valdeuza (vice president), Wilford Cariaga (secretary), Sim Cortes (treasurer), Martin Camacailan (auditor), Jalma Sypeco ug Court Manager Eugene Ruiz (seargeaat at arms).

Ang Board of Directors mao sila si Mandaue RTC Judge Boy Gestopa, Dr. Pat Guaza, Dodong Gestopa, Juvy Apor, David Besabella ug Mandaue City Engineer Greg Omo.  (BANAT SPORTS)