Elasto Painters, Tigers mag-uunahan sa 1-0 lead sa kanilang semis series

MANILA, Philippines - Alam ni Rain or Shine coach Yeng Guiao ang ka­kayahan ng Powerade ni mentor Bo Perasol.

Bilang No. 8 matapos ang elimination round, da­lawang beses tinalo ng Ti­gers ang No. 1 B-Meg Llamados, nagbitbit ng ‘twice-to-beat’ advantage, sa quarterfinals upang ma­­katagpo ang Elasto Pain­­ters sa best-of-seven se­­mifinals series.

 “Iba ang Powerade nu’ng elimiantion at nga­yong playoffs,” wika ni Guiao. “Mas mabigat sila nga­yon. They beat the num­ber one team (B-Meg). Ka­ya mabigat.”

Magtatagpo ang Rain or Shine at ang Powerade ngayong alas-6:45 ng gabi para sa Game One ng kanilang semifinals showdown sa 201q1-2012 PBA Philippine Cup sa Cuneta Astrodome sa Pasay City.

Nasa kanilang unang semifinals appearance sa Philippine Cup ang Elasto Painters sapul nang lu­mahok sa PBA noong 2006-07.

Ito naman ang unang se­mis stint ng Tigers mula pa noong 2004 Fiesta Conference.

Tinalo na ng Rain or Shi­ne ang Powerade, 96-93, sa kanilang unang pag­kikita sa eliminasyon no­ong Oktubre 9 sa Yñares Center sa Antipolo City.

Sinabi ni Guiao na hahayaan na lamang nilang umiskor ng malaki si Gary David hanggang sa mapagod ito kasabay ng pag­limita sa iba pang Tigers.

“Ang hirap pagplanuhan ng depensa ang Po­werade. Kaya hahayaan na lang namin si Gary David,” wika ni Guiao. “Kaya sa ibang aspeto kami mag­po-focus.”

Si David ay nagtala ng average na 22.5 points per game sa torneo at nag­poste ng mataas na 34.5 points per game sa kanilang quarterfinal ga­mes ng B-Meg.

Naglaro si David para kay Guiao para sa Burger King sa nakaraang best-of-seven semis series ng 2009 Fiesta Conference laban sa San Miguel Beer.

“Ready na kami sa mga plano naming opensa at depensa para sa Rain or Shine,” ani David.