2nd Sinulog Football Cup isalida sa TV5

CEBU, Philippines - Daku ug bongga nga 2nd Sinulog Football Cup ang dunganon sa pagpahigayon karong weekend didto sa University of San Carlos-Technological Center sa Talamban ug sa San Roque Parish field sa barangay Subangdaku sa Mandaue City.

Gawas sa United Football League (UFL) stars nga motambong sa maong kalihukan, ang duha ka adlaw nga kompetisyon ipakita sab sa telebisyon pinaagi sa AKTV sa TV5 Kapatid network.

Misaka sab ang numero sa mga partisipanteng koponan ngadto sa 215 diin 45 niini ang magtigi sa men's open division.

Matud pa ni tournament director Francis Ramirez nga una ning higayon nga ang local football tournament adunay tv coverage.

Gawas sa men's open, lain pang mga kategoriya nga tigian naglakip sa players 6, players 8, players 10, boys 12, boys 14, girls 14, boys 17, girls 17, ladies open, Inter-BPO ug 38-above.

Ang registration nagkantidad og P700 alang sa players 6 ngadto sa boys 17 ug P1,100 alang sa men's open hangtod sa 38-above. (BANAT NEWS)