Lionesses, Lady Stags lumapit sa semis

MANILA, Philippines - Nangibabaw ang San Beda at San Sebastian sa kanilang mga nakalaban upang mapalakas ang pag­hahabol sa semifinals ng NCAA women’s volleyball kahapon sa Letran Gym.

Kinailangan ng Lio­nes­ses ang limang sets, 25-23, 24-26, 24-26, 25-19, 15-8, para talunin ang Arellano Lady Chiefs habang sa mas madaling 25-20, 25-10, 25-22, nanalo ang Lady Stags sa Jose Rizal University Lady Bombers.

Ang mga panalong ito ay nag-angat sa San Beda at nagdedepensang San Sebastian sa 4-2 karta upang magkasalo sa ikatlong puwesto.

Pinuri ni San Beda coach Ryan Jeorge Sucal­dito ang nakitang determinasyon sa kanyang manlalaro kaya’t tumitibay ang paniniwalang may ilalaban sila kung titulo ang pag-uusapan.

Nalaglag ang JRU sa 1-5 habang 3-3 karta naman ang nangyari sa Arellano. Nakaabante naman ang Chiefs sa semifinals nang manalo sa Red Lions, 25-20, 16-25, 24-26, 25-18, 15-10, sa laro sa ka­lalakihan.

“Gusto kong makita na naka-focus sila sa laro. Nagsisipag sila masaya at nagtutulungan sa loob bukod sa may communication. Kaya magandang pamasko itong panalo na ito sa amin,” ani Sucaldito.

Nalaglag ang JRU sa 1-5 habang 3-3 karta naman ang nangyari sa Arellano sa mga naganap na kabiguan.

Nakaabante naman ang Chiefs sa semifinals nang manalo sa Red Lions, 25-20, 16-25, 24-26, 25-18, 15-10, sa laro sa ka­lalakihan.