CEBU, Philippines - Lain na sab nga FIDE-rated tournament ang ipahigayon pinaagi sa Cebu City Chess Class karong Disyembre 20-23 diha sa E-Mall Activity Center.
Ang seven-round Swiss System format bukas sa tanang rated ug dili rated nga players.
Gipasiugdahan sa Cebu Chess Association uban sa National Chess Federation of the Philippines ug sa kagamhanan sa siyudad sa Sugbu, ang kampiyon makadawat og P25,000, samtang ang second ug third placers mobulsa og P15,000 ug P10,000 matag usa.
Ang mopahiluna sa ikaupat makaangkon og P5,000 ug ang mokapyot sa ikalima makadawat og P3,000. Ang motapos sa ikaunom hangtod sa ika-13 hatagan og P1,000 matag usa.
Special prizes ang ihatag ngadto sa top performers sa ladies ug kiddies divisions.
Ang registration himuon karong Disyembre 20 gikan sa alas-9 sa buntag hangtod sa alas-12 sa udto.
Ang registration forms mahimong makuha sa Colonnade Chess Club ug sa Deep Blue D' Woodpushers Coffee sa SM City-Cebu.
Alang sa dugang mga kasayoran, mahimong motawag ni ni Roger Abella sa 0910-2686890 o ni Marvin Ruelan sa 0926-7352951. (BANAT NEWS)