Cebuana nag-iisa na lang sa itaas

MANILA, Philippines - Umangat uli sa solo li­derato ang Cebuana Lhuillier nang kalusin nila ang Boracay Rhum, 76-63, sa PBA D-League Aspirant’s Cup kahapon sa San Juan Gym.

May 12 puntos sa kabu­uang 19 sa laro ang ibi­nagsak ni Vic Manuel sa ikatl­ong yugto na kung saan iniwan na ng Gems ang Waves, 59-48, tungo sa paghablot ng ikapitong pa­nalo sa walong laban.

“Nakuha namin ang la­ro sa second half kaya na­kabawi matapos ang slow start sa first half,” wika ni Gems coach Luigi Trillo.

May 24 puntos si Ter­ren­ce Romeo habang 14 puntos at 10 assists ang ibinigay ni Jai Reyes sa nanalong koponan.

Samantala, tinapos ng PC Gilmore ang limang sunod na kabiguan gamit ang 82-80 panalo sa Café France sa unang laro.

Sina Macky Acosta, Jett Vidal at Eugene Torres ang mga nagtulung-tulong nang bumangon ang Wi­zards mula sa 50-68 iskor para makapasok na rin sa win column.

Sa 1-5 baraha, nananatili pang buhay ang kanilang paghahangad na mapa­sama sa anim na koponan na aabante sa susunod na yugto ng kompetisyon.

May 15 puntos at 12 re­bounds si Acosta at walo rito ay ginawa sa huling yugto at tinapos ng Wizards ang labanan gamit ang 16-0 run.

Nalaglag ang Bakers sa 2-4 karta at nasayang ang 30 puntos, 9 rebounds at 8 assists ni Jeff Viernes. (Angeline Tan) 

Cebuana Lhuillier--Romeo 24, Manuel 19, Reyes 14, Jeffries 6, Mangahas 4, Celeda 3, Cruz 2, Hayes 2, Taha 2, Llagas 0.

Boracay Rum 63--Bandaying 15, Eguilos 12, Sabelina 7, Siruma 6, Hermosisima 5, Rosopa 4, Khobuntin 4, Cornejo 4, Abaya 2, Baloran 2.

Quarterscores: 17-19; 29-33; 59-48; 76-63.