Lakers dili na kang Paul, gusto ni Howard

CEBU, Philippines - Human mapakyas sa tinguha pagkuha kang Chris Paul sa New Orleans Hornets pinaagi sa trade, wala na magpakita og interest ang Los Angeles Lakers sa maayong laking point guard sa Hornets ug didto itumong ang ilang panan-aw kang Dwight Howard sa Orlando Magic.

Ang Lakers miusab sa ilang puntariya ug sila mismo nangandam na sab sa pag-trade kang Lamar Odom ngadto sa Dallas Mavericks, ang team nga miharus kanila sa second round sa playoffs.

Ang nakaparat kang si Howard dili interesado mobalhin ngadto sa Lakers ug maoy iyang gustong balhinan ang New Jersey Nets nga tua gihapon masakop sa Eastern Conference.

Nakakuha na'g kontrol ang NBA ngadto sa Hornets ug ang ilang general manager nga si Dell Demps ug coach Monty Williams wala nay gisudlan nga negosasyon alang kang Paul. Misamot kini ka imposible tungod kay si NBA commissioner David Stern usa man ka dakung opisyal sa Hornets.

Sa tinguha nga magpabilin si Paul sa Hornets, gisirad-an ni Stern ang duha ka sabotsabot sa trade ni Paul ngadto sa Lakers.

Ang front office sa Hornets ug ang coaching staff nadismaya ug maayo tungod sa maong negosasyon tungod kay tulo ka adlaw sa dili pa ang ilang training camp, wala sila'y kaseguroan kun aduna ba sila'y NBA team nga idiga. (GGM)(BANAT NEWS)