Dela Pieza nangulo sa white team
CEBU, Philippines - Nagmangtas si team owner Rolly dela Pieza ug mikadlit kini og 22 puntos aron pangulohan ang White pagpukan sa Red sa nagpadayong Phase 3 Camella Homes Sunday Club basketball tournament didto sa Hoops Dome sa Lapu-Lapu City.
Human sa sikit kaayong iskor sa halftime, ang White mitugyan sa ilang pagsalig ngadto ni Dela Pieza aron kontrolahon ang duwa diin milabaw lang kini og tres puntos, 56-53 paingon sa final period.
Daw walay pagkahupas ang kainit sa mga kamot ni Dela Pieza ug padayon kini pamusa og mga puntos sa final period aron moposte og nuybe puntos nga kadaugan.
Si Dela Pieza gisuportahan sab ni Ondo Casquejo, kinsa milansang og 17 puntos.
Nangulo sa pilderong Red mao si Cortez pinaagi sa iyang 18 puntos, gisundan ni Roilan Sumilang nga adunay 17 puntos.
PUNTOS MATAG USA
WHITE (78) - Dela Pieza 22, Casquejo 17, Brañanola 9, Malolot 8, Caro 8, Amistad 8, Villanil 3, Vega 2, Almacen 2
RED (69) - Cortez 18, Sumilang 17, Andrino 14, Palad 6, Rabi 6, Ragaza 4, Villapez 2, Aparante 2 (BANAT SPORTS)
- Latest
- Trending
