Weiss sisibakin na?

MANILA, Philippines - May posibilidad na mag­kakaroon ng bagong German coach ang football team ng bansa.

Ayon sa mga mapagka­katiwalaang impormante, di nagustuhan ng pamunuan ng Philippine Football Federation (PFF) ang di ma­gandang ipinakita ng Junior Azkals sa katatapos na 26th SEA Games na minandu­han ni German coach Michael Weiss.

Isang panalo lamang sa limang laro ang nakuha ng koponang binuo ng higit na nakararaming Fil-Fo­reigners. Pinakasamakit na pagkatalo ay nalasap sa Timor Leste sa 2-1 iskor.

Inako naman ni Weiss ang reponsibilidad sa di ma­gandang kinalabasan ng kampanya sa SEA Games na kung saan mismong ang team manager na si Dan Palami ay naunang naniwa­lang palaban ang team sa bronze medal.

Kinuha man ang res­pon­sibilidad ay hindi rin na­pigil ni Weiss na sabihan ang mga taong may ipinukol na mataas na ekspektasyon sa koponan na hindi pa na­rarapat ang ganitong pag­titiwala sa koponan.

“We were going against teams that has been playing together for years,” wika ni Weiss.

Hindi rin niya alintana ang mga ugong-ugong na balita sa napipintong pag-uwi dahil may mga pinaplano siyang programa sa Azkals na sasabak sa AFC Challenge Cup sa susunod na taon.

Pagdalo sa mga trai­ning camps sa Gulf Area at Japan bukod pa sa mga friendly matches ang nais niyang gawin sa Azkals upang mas mahubog ito para sa mala­laking torneo sa 2012.

Kasalukuyang nasa ban­­sa si German coach Eckhard Krautzun para tulungan ang Philippine Football Federation (PFF) na bumalangkas ng 8-year grassroots program at ito umanong pinakiusapan ng PFF para hilingin sa German Football Association na magpadala ng bagong coach sa Pilipinas.