Lady Stags kontra Lioness sa 87th NCAA volleyball

MANILA, Philippines - Tatangkain ngayon ng many-time women’s cham­pion San Sebastian Col­­lege-Recoletos ang mag­­karoon ng magandang pa­ni­mula sa 87th NCAA volleyball tournament sa San Beda gym.

Makakaharap ng Lady Stags ang host San Beda Lioness sa ikalawang laro sa alas-9 ng umaga sa layuning makasalo sa lidera­to ang mga nangungunang University of Perpetual Help at Arellano University.

Hindi na makakasama ng Lady Stags ang mga beteranong sina Bonsai Mirasol, Bamcie Belen at Elaine Cruz matapos mag-graduate.

Muling maglalaro para sa San Sebastian sina two-time Most Valuable Player Joy Benito, Bea Uy, Karen Berbano, Dafna Robinos at libero Mae Crisostomo.

Sasandal naman ang San Beda sa mga pambatong sina Cherry Qui­zon, Coline Malana, Janine Mar­ciano, Ces Molina at Mona Diolazo.

Ang San Beda Red Cubs ang unang masasa­lang kontra sa San Sebastian Staglets sa alas-8 ng uma­ga kasunod ang laro ng Red Lions at Stags sa alas-10 sa men’s division.

Magtutuos naman ang Letran at Jose Rizal University sa women’s at men’s category sa ganap na ala-1 at alas-2 ng hapon, ayon sa pagkakasunod.