MANILA, Philippines - Sisimulan ngayon ang 87th NCAA indoor volleyball at ang host University of Perpetual Help System Dalta ay magbabalak na manalo sa lahat ng sasalihang laro sa Ninoy Aquino Stadium.
Makakatapat ng Altalettes ang Lyceum Junior Pirates sa alas-9 ng umaga bago sundan ng pagkikita ng Lady Altas kontra sa Lady Pirates sa alas-10.
Ang Altas at Pirates ang sunod na magtatagisan sa alas-12 ng tanghali.
Magkakaroon ng simpleng opening ceremony na pamumunan ni NCAA president Anthony Tamayo ng Perpetual.
“We’re happy that we have a successful staging of the first semester sports in accordance to our theme, which is Brazen at 87, many motions, one direction. Our focus now is to have another successful staging of our second semester sports and hopefully get us some victories,” wika ni Tamayo.
Ang iba pang laro sa second semester ay taekwondo, football, lawn tennis, soft tennis at athletics.