Abaniel susunod sa mga yapak ni Julaton

MANILA, Philippines - Posibleng may isa pang Filipina boxer na susunod sa mga yapak ni Ana ‘The Hur­ricane’ Julaton.

Nakatakdang labanan ni Gretchen Abaniel si Katia Gutierrez para sa IBF mi­nimumweight crown sa Dis­yembre 10 sa Mexico.

Tangan ng 26-anyos na si Abaniel ang 10-2-0 win-loss-draw ring record ka­sama ang 2 knockouts, habang hawak ng 22-an­yos na si Gutierrez ang 11-2-0 (3 KOs).

Ang tubong Puerto Prin­cesa City, Palawan ay dating miyembro ng wo­men’s national boxing team.

Nauna nang inangkin ni Abaniel ang bakanteng World International Bo­xing Association minimumweight crown mula sa isang una­nimous 10 round deci­sion laban kay game Nong­bua Lookprai-Aree ng Thailand noong Marso 25, 2009 sa Manila Hotel pa­ra sa Annual Banquet of Champions at sa Flash Elor­de Annual Awards.

Naagaw naman ito kay Aba­niel ni Samson Tor Bu­amas noong Pebrero 19 sa Thai­land. 

Tanging ang 31-anyos na si Julaton ang nag-i­isang Filipina world boxing champion ng bansa.

Nagreyna si Julaton sa IBA at WBO female super ban­tamweight division.

Naidepensa ni Julaton ang kanyang WBO belt kay Mexican Jessica Villa­franca via unanimous de­cision noong Oktubre 30 sa Mexico.