CEBU, Philippines - Ang bag-ong gikoronahang juniors champion sa 11th Cebu Schools Athletic Foundation Inc. (CESAFI) basketball season University of the Visayas (UV) Baby Lancers, maoy paborito alang sa titulo sa umaabot nga Central Visayas Regional Athletic Association (CVIRAA) didto sa Tagbilaran City karong Nobiyembre 27 ngadto sa Disyembre 3.
Mas misamot pa kalig-on ang Baby Lancers tungod may ilang gihulman sa ilang team ang duha ka sinaligan gikan sa Cebu Eastern College (CEC) Dragons nga sila si James Neil Sumayang ug Alfred Sedillo. Sila si Sumayang ug Sedillo maoy responsable sa pagkulit og school record dihang ilang giharos ang Sacred Heart School-Ateneo de Cebu (SHS-AdC) Magis Eagles, 3-0 aron angkonon ang labing una nilang korona sa miaging tuig.
Gikatakdang molarga ang Baby Lancers karong Nobiyembre 25.
Matud pa ni coach Delfin Pepito Jr. nga nakadawat na sila’g pormal nga imbetasyon gikan kang Basketball Association of the Philippines (BAP) secretary-general Graham C. Lim alang sa luna sa Dagupan sa labing uwahi niyang pagbisita dinhi sa Sugbo dili pa lang dugay. (BANAT SPORTS)