Du Ek Sam run gitakda
CEBU, Philippines - Sa labing unang higayon, ang Du Ek Sam Inc. ug DES Marketing mopasiugda og lumba nga uloha'g "Du Ek Sam Run" karong Disyembre 4 diha sa The Terraces sa Ayala Center-Cebu.
Gilauman nga moabot sa 1,000 runners ang mosalmot sa lumba nga gibahin sa tulo ka kategoriya -- 10K, 5K ug 3K.
Gihimugso ang lumba aron paghandom sa ika-85 nga adlaw'ng natawhan ni Melecia Uy Du, ang inahan sa Du Ek Sam.
Ang DES naglaraw usab nga mopahigayon og lumba sa Tagbilaran City ug sa lain pang mga dagkung siyudad sa Kabisay-an.
Dul-an sa P20,000 nga ganting salapi ang ipanghatag ngadto sa top three finishers sa matag kategoriya.
May kahigayonan sab ang mga partisipante nga modaog og appliances ug mga apparels lakip na ang usa ka Samsung LED ug LCD TV atol sa raffle human sa lumba.
Ang registration fee nagkantidad og P300 alang sa 10K ug P250 sa 5K ug 3K categories.
Alang sa dugang mga pangutana, mahimong motawag sa mga Du Ek Sam branch sa numero 421-11-461. (BANAT NEWS)
- Latest
- Trending
