Cebu City nagkampeon sa Batang Pinoy qualifying leg

DUMAGUETE City ,Philippines  – Inangkin ng Cebu City ang overall championship ma­tapos kumuha ng mga gold medals sa lawn tennis, swimming at boxing sa pagtatapos ng Batang Pi­noy 2011 Visayas qualifying leg dito.

Humakot ang Cebu Ci­ty ng kabuuang 52 golds, 37 silvers at 31 bronzes ka­sunod ang Bacolod City (34-18-23) at host Duma­gu­ete City (27-23-27).

Tinalo ni boer Junrel Ji­menez si Albino Tihuk, Jr. ng Sipalay sa 48-second mark ng first round para sa isang referee-stopped con­test (RSC) victory sa light pinweight division.

Ibinigay naman ni Hipolito Banal, Jr., nakababatang ka­­patid ni World Boxing Or­­ganization Asia Pacific ban­tamweight champion AJ “Bazooka” Banal, ang ika­lawang ginto ng Cebu Ci­ty sa boxing mula sa kan­yang 5-0 win laban kay Da­niel Folio ng Dumaguete sa paperweight class.

Lumangoy ang mga Ce­bu City tankers ng kabu­uang13 golds, 16 silvers at 9 bronzes sa swimming event para ungusan ang Bacolod City na may 13 golds, 10 silvers at 10 bronzes, habang ang host Du­maguete ay kumuha ng 10 golds, 10 silvers at 11 bronzes. 

Lima sa anim na gintong medalya ang inangkin ng Cebu City sa lawn ten­nis.

Ito ay mula sa kanilang mga panalo mula sa girls’ si­ng­les, boys’ singles, girls’ doubles, boys’ doubles at mi­xed doubles.

Samantala, idaraos ng Phi­lippine Sports Commis­sion ang arnis national fi­nals sa PhilSports Arena sa Pasig City kasabay ng Na­tional Capital Region qua­lifying leg na gagawin sa University of Makati sa Nob­yembre 29 hanggang Dis­yembre 2.

Matapos ang Visayas qua­lifying leg, dadalhin ang event ng Batang Pinoy sa Baguio City para sa Northern Luzon leg sa Nob­yembre 24-27.