LAS VEGAS – Hihingi si Manny Pacquiao ng medical advice kaugnay sa nangyaring cramps mula sa kanyang controversial win kay Juan Manuel Marquez noong Linggo sa MGM Grand Arena.
Ayon kay Pacquiao, bigla siyang nakaramdam ng pamimitig ng binti sa fourth round at hindi na ito nawala hanggang matapos ang kanilang ‘trilogy’ ni Marquez.
“That was when it started,” sabi ni Pacquiao. “I felt so bad that my balance was gone. Every time I threw a punch I could feel it.”
Ipinagtaka rin nina head trainer Freddie Roach at strength and conditioning coach Alex Ariza ang paninigas ng mga binti ni Pacquiao.
“It was difficult for Manny,” ani Roach sa naging galaw ni Pacquiao. “His in-and-out motion was affected and he was coming in flatfooted. The pain started in his arches and then spread up to his calf. It is something that we really have to figure out and we will get advice on it.”
“This has happened in his last two fights and we want to get it fixed. We are not making excuses,” paglilinaw ng five-time Trainer of the Year awardee
Nakaramdam rin si Pacquiao ng pamimitig ng mga binti sa kanyang laban kay Sugar Shane Mosley noong Mayo. Ngunit hindi ito nakaapekto patungo sa kanyang unanimous decision win.
Higit sa isang oras ang itinagal bago nagtungo si Pacquiao sa kanyang post-fight press conference dahil na rin sa natanggap niyang 28 stitches sa putok sa itaas ng kanyang kanang mata.